सिद्धबाबालाई सफाइ दिने जिल्ला अदालतको फैसलाविरुद्ध उच्च अदालतमा पुनरावेदन दर्ता

२ चैत
काठमाडौं – सिद्धबाबा भनेर चिनिने कृष्णबहादुर गिरीलाई बलात्कार मुद्दामा सफाइ दिने जिल्ला अदालत सुनसरीको फैसलाविरुद्ध उच्च अदालत विराटनगरमा पुनरावेदन गरेको छ ।

सुनसरीको चतरा बस्दै आएका सिद्धबाबाले आफ्नै महिला अनुयायीमाथि बलात्कार गरेको आरोप लागेको थियो । बलात्कार आरोपमा जिल्ला अदालत सुनसरीले मंसिर २२ मा उनलाई सफाइ दिएको थियो ।

जिल्ला अदालतको फैसलामा असन्तुष्टि जनाएको सरकारी वकिलको कार्यालयले उच्च सरकारी वकिलको कार्यालय विराटनगरमार्फत आइतबार उच्च अदालत विराटनगरमा पुनरावेदन दर्ता गराएको हो ।

जिल्ला अदालत सुनसरीले ‘अनुयायी महिलाले मोहित भएर शरीर समर्पित गरेको, सहमतिमै सम्बन्ध कायम गरेका कारण बलात्कार भन्न नमिल्ने’ भन्दै सिद्धबाबालाई निर्दोष ठहर गरेको थियो ।