अवैध लागूऔषधसहित एक पक्राउ

२८ जेठ, काठमाडौं– कञ्चनपुरको बेलडाडी गाउँपालिका–२ स्थित बेलडाँडी बजारबाट अवैध लागू औषध सहित एक जनालाई पक्राउन गरेको छ । प्रहरीले १ ग्राम ५ सय ३० मिलिग्राम अवैध लागूऔषध खैरो हेरोईन सहित एक जनालाई पक्राउ गरेको हो ।

पक्राउ पर्नेमा बेलडाँडी गाउँपालिका–१ बस्ने २८ वर्षीय दिपक सिह ठकुराठीलाई रहेको प्रहरीले जनाएको छ ।

ईलाका प्रहरी कार्यालय बेलडाँडीबाट खटिएको प्रहरीले सु.प.प्र.०१.००८ प ६००५ नम्बरको मोटरसाइकललाई जाँच गर्ने क्रममा मोटरसाइकलमा सवार उनलाई उक्त परिमाणको लागूऔषध सहित फेला पारेको हो ।

प्रहरीले यस विषयमा आवश्यक अनुसन्धान गरिरहेको छ ।