जेठ २४ गतेसम्मका लागि बाँकेमा निषेधाज्ञा लम्ब्याइयो

१७ जेठ, काठमाडौं– जिल्ला प्रशासन कार्यालय बाँकेले बाँकेमा जारी निषेधाज्ञा आगामी जेठ २४ गतेसम्मका लागि लम्ब्याएको छ ।

कोरोना संक्रमणको चेन ब्रेक तथा रोकथाम र नियन्त्रणलाई प्रभावकारी बनाउनका लागि निषेधाज्ञा लम्ब्याइएको प्रशासनले जनाएको छ ।

बाँके प्रशासनले कोभिड–१९ संकट व्यवस्थापन अध्यादेश, २०७८ को दफा ४ र ५ बमोजिम जेठ २४ गते राति १२ बजेसम्मका लागि निषेधाज्ञा थप गर्ने निर्णय भएको बाँकेका प्रमुख जिल्ला अधिकारी शिवराम गेलालले जानकारी दिए ।

यसअघि प्रशासनले जेठ १७ गते राति १२ बजेसम्म लागू हुने गरी निषेधाज्ञा जारी गरेको थियो ।