नेकपा एमालेको माधव नेपाल पक्षीय सांसदले साथ दिँदा जोगियो सूदूरपश्चिम प्रदेशका मुख्यमन्त्रीको पद

२५ जेठ, काठमाडौं– सुदूरपश्चिम प्रदेशका मुख्यमन्त्री त्रिलोचन भट्टले प्रदेशसभामा विश्वासको मत प्राप्त गर्न सफल हुनु भएको छ ।

आज बसेको सूदूरपश्चिम प्रदेशसभा बैठकमा मुख्यमन्त्री भट्टले नेकपा एमालेका माधव नेपाल पक्षीय नेताहरुको साथ पाएसँगै विश्वासको मत प्राप्त गर्न सफल हुनुभएको थियो ।
विश्वासको मत दिन गरेको आग्रह स्वीकार्दै ३० सांसदले मुख्यमन्त्री भट्टको पक्षमा मतदान गरेका थिए ।

मुख्यमन्त्री भट्टको विपक्षमा जम्मा ९ भोटमात्रै खसेको थियो । नेकपा एमालेको ओली समूहका ७ जना र जनता समाजवादी पार्टीका दुईजना प्रदेश सभा सदस्ले विपक्षमा मतदान गर्नुभएको थियो ।

सूदूरपश्चिम प्रदेशसभामा जम्मा ५२ सदस्य रहेका छन् । आजको प्रदेशसभा बैठकमा ५१ जना सांसद उपस्थित भएका थिए ।