१३ वर्षिया बालिकालाई जबरजस्ती करणीको आरोपमा एक पक्राउ

११ असार, काठमाडौं– जबरजस्ती करणी गरेको अभियोगमा झापाबाट एक जनालाई प्रहरीले पक्राउ गरेको छ ।

१३ वर्षीया बालिकालाई जबरजस्ती करणी गरेको अभियोगमा प्रहरीले अर्जुनधारा नगरपालिका–३ बस्ने ४५ वर्षीय काजी भन्ने लोकवहादुर श्रेष्ठलाई बिहीबार दिउँसो प्रहरीले पक्राउ गरेको हो।

प्रहरीका अनुसार लोकबहादुर र सोही ठाउँ बस्ने ४८ वर्षीय अर्बिन भन्ने ओम घतानी समेतले ती बालिकालाई जबरजस्ती करणी गरेको भन्ने खबर प्राप्त हुनासाथ प्रहरी चौकी शनिश्चरेबाट

खटिएको प्रहरीले लोकबहादुरलाई पक्राउ गरेको हो । साथै फरार रहेका ओमको प्रहरीले खोजी गरिरहेको जनाएको छ ।

यस सम्बन्धमा प्रहरीले थप अनुसन्धान गरिरहेको जनाएको छ ।