सरकार पक्षका कानुन व्यवसायीलाई प्रधानन्यायाधीशको प्रश्नैप्रश्न

१७ असार, काठमाडौं– संसद विघटनको मुद्दामा प्रधानन्यायाधीश चोलेन्द्र शमशेर राणाले प्रधानमन्त्रीका कानुन व्यवासायीलाई प्रश्नमाथि प्रश्न तेस्र्याएका छन् । सर्वोच्च अदालतको संवैधानिक इजलासमा प्रधानन्यायाधीश राणाले सरकार तर्फका कानुन व्यवसायीलाई प्रश्न माथि प्रश्न गरेका हुन् ।

प्रधानमन्त्रीका तर्फबाट बहस गरिरहेका पूर्व महान्यायाधिवक्ता अग्नि खरेललाई प्रधानन्यायाधीश राणले, ‘संविधानको धारा ७६(५) स्वतन्त्र हो कि होइन भनेर सोधे। उनले सोही प्रश्नमा थप्दै उपधारा २ र ५ मा के फरक छ ?’ भनेर समेत प्रश्न गरेका थिए ।

प्रधानन्यायाधीश राणले, ‘उपधारा २ को दलहरूको हो। ५ ओपन हो, देउवाको हकमा हेर्दा माओवादी र कांग्रेसको समर्थन पनि छ। अरु दलको पनि छ कसरी गल्ती भयो भनिन्छ कुरा के हो ?’ भनी प्रश्न गरेका थिए ।

यस्तै प्रधानन्यायाधीश राणाले, ‘उपधारा ५ स्वतन्त्र हो भन्ने अनि अरु धारासँग जोडेर पृथक पृथक व्याख्या गर्न मिल्छ ?’ भनेर खरेललाई प्रश्न गरेका थिए ।