संसद विघटनस मुद्दाः सरकार पक्षको बहस सकिँदै, सभामुख पक्षकाको बहस सुरु हुने

१८ असार, काठमाडौं– संसद विघटन सम्बन्धी रिटमा सरकार पक्षकाको बहस आज सकिदैँछ ।

सोमबारदेखि सुरु भएको सरकार पक्षको बहस आज चियासत्र अघि सकिदैछ । महान्यायाधीवक्ता रमेश बडालदेखि सुरु भएको बहस आज सकिन लागेको हो ।

सरकार पक्षको बहसका लागि इजलासले १५ घण्टा समय दिएको थियो । उक्त १५ घण्टाको समयमा सरकारी पक्षका सभामुख बाहेकाका कानुन व्यवसायीलाई १४ घण्टाको समय छुट्याइएको थियो ।

इजलासले छुट्याएको अवधिमा अहिलेसम्मको समय सकिदा महान्यायाधिवक्ता रमेश बडाल नायब महान्यायाधिवक्ताहरु पदमप्रसाद पाण्डेय, विश्वराज कोइराल, टेकबहादुर घिमिरे र श्यामकुमार भट्टराईले बहस गरेका छन् । त्यस्तै सहन्यायाधिवक्ताहरु गोपालप्रसाद रिजाल, सञ्जीवराज रेग्मी लगायतले बहस गरेका छन् । यसैगरी प्रधानमन्त्री र राष्ट्रपतिका तर्फबाट नीजि कानून व्यवसायीका रुपमा वरिष्ठ अधिवक्ताहरु सुशील पन्त, बिजयकान्त मैनाली, अग्नि खरेल लगायतले बहस गरेका छन् ।

प्रधानमन्त्री र राष्ट्रपति तथा सरकारका अन्य पक्षको बहस सकिएसँगै सभामुख अग्निप्रसाद सापकोटा पक्षका कानुन व्यवसायीले बहस गर्नेछन् । मुद्दामा विपक्षी बनाइयता पनि सभामुख पक्षका कानुन व्यवसायीले रिटको पक्षमा बहस गर्नेछन् ।

रिटमा सभामुखको तर्फबाट वरिष्ठ अधिवक्ताहरु श्यामप्रसाद खरेल, लवकुमार मैनाली र उपेन्द्रकेशरी न्यौपानेले बहस गर्ने बताइएको छ ।

यस्तै अधिवक्ताद्वय मेघराज पोखरेल र श्रीकृष्ण सुवेदीले पनि सभामुखको तर्फबाट बहस गर्नेछन् । संवैधानिक इजलासले सभामुख पक्षलाई दिएको १ घण्टामा आवश्यकता परे थप गरिदिने तयारी गरेको छ।

सभामुख पक्षको बहसपछि रिट निवेदक पक्षले ३ घण्टा जवाफी बहस गर्नेछ । जवाफी बहसपछि एमिकस क्यूरीका ४ जना सदस्यले बहसमा आफ्नो राय दिनेछन् ।