रोकिएको पारिश्रमिक पाउने भए नेपाल वायुसेवा निगमका कर्मचारीले

१० आश्विन, काठमाडौँ – नेपाल वायुसेवा निगम ९नेवानि० का कर्मचारीले गत असारदेखि रोकिएको पारिश्रमिक पाउनुहुने भएको छ । रोकिएको पारिश्रमिक उहाँहरूले सोमवारदेखि पाउनु हुनेभएको को हो ।

विशेषाधिकार प्रयोग गर्दै पारिश्रमिक दिने निर्णय गरिएको निगमका महाप्रबन्धक डिमप्रसाद पौडेलले जानकारी दिनभुयो । निगमको तालुक निकाय संस्कृति, पर्यटन तथा नागरिक उड्डयन मन्त्रालयसँग छलफल गरेर पारिश्रमिक दिने निधो गरिएको उहाँको भनाइ छ ।

नेपाल वायुसेवा निगमका कर्मचारीहरू गत असार १८ गतेदेखि आन्दोलनरत हुनुहुन्छ । झन्डै २ साताको प्रयासपछि शुक्रवारको छलफलमा कर्मचारीले रोकिएको तलब पाउने निर्णय भएको उहाँले बताउनुभयो ।

‘कर्मशील एवं इमानदार कर्मचारीको जीवन निर्वाहमा कठिनाइ परिरहेको अवस्थालाई ध्यानमा राखेर हालसम्मको सम्पूर्ण पारिश्रमिक भुक्तानी दिने निर्णय गरिएको छ,’ उहाँले भन्नुभयो, ‘सो निर्णयअनुसार आन्दोलनरत कर्मचारीले पनि पारिश्रमिक पाउनेछन् ।’

निगमलाई कम्पनी मोडलमा सञ्चालन गर्ने तयारी हुँदै गर्दा त्यहाँ कार्यरत कर्मचारी आन्दोलित बन्नुभएको हो । निगमलाई कम्पनी मोडलमा लैजान नहुने मागसहित आन्दोलन थालेको झन्डै ३ महीना बितिसक्दा समेत सहमतिको टुंगो लागेको छैन ।

आन्दोलन स्थगित गर्न बसेका भएका छलफल निष्कर्षविहीन  छ । कर्मचारीको आन्दोलनका कारण निगमले चालू आर्थिक वर्षको बजेट तथा कार्यक्रम समेत पारित गर्न सकेको छैन । आर्थिक अभियान दैनिकबाट