सिरहाको गोलबजारमा “जनतासँग जसपा नेपाल: संगठन निर्माण अभियान” प्रारम्भ, राष्ट्रिय अध्यक्ष यादवको प्रमुख उपस्थिति

सिरहा जिल्ला निर्वाचन क्षेत्र नम्बर ३ र ४ अन्तर्गत जनता समाजवादी पार्टी (जसपा) नेपालको अभिमुखीकरण कार्यक्रम गोलबजारबाट प्रारम्भ भएको छ। कार्यक्रममा राष्ट्रिय अध्यक्ष उपेन्द्र यादवको प्रमुख आतिथ्यतामा “जनतासँग जसपा नेपाल: आधारभूत संगठन निर्माण अभियान” अन्तर्गत प्रशिक्षण कार्यक्रम सञ्चालन गरिएको हो।

अध्यक्ष यादवले आफ्नो सम्बोधनमा पार्टीको संगठनलाई जनताको स्तरसम्म मजबुत बनाउँदै मुलुकको राजनीतिक परिपाटीलाई परिवर्तन गर्नुपर्ने आवश्यकता औंल्याए। साथै, उनले आधारभूत संगठन निर्माण अभियानले पार्टीलाई थप सशक्त बनाउन महत्वपूर्ण भूमिका खेल्ने विश्वास व्यक्त गरे।

कार्यक्रममा स्थानीय नेता, कार्यकर्ता, र शुभेच्छुकहरूको उत्साहजनक सहभागिता रहेको थियो। उपस्थितहरूले अभियानलाई सफल बनाउन प्रतिबद्धता व्यक्त गर्दै संगठनलाई बलियो बनाउने पहल गर्ने दृढता व्यक्त गरे।