युवासंघको भर्चुअल बैठकमा प्रधानमन्त्रीको सम्बोधनः सरकारमाथि भइरहेको आक्रमण रोक्न निर्देशन

१७ जेठ, काठमाडौं– प्रधानमन्त्री केपी शर्मा ओलीले सरकारमाथि भइरहेको आक्रमण रोक्न युवा संघलाई निर्देशन दिएका छन् ।

एमालेनिकट संगठन युवा संघको अन्तरक्रियात्मक कार्यक्रममा सोमबार जुममार्फत सम्बोधन गर्दै प्रधानमन्त्री ओलीले सरकारमाथि चारैतिरबाट आक्रमण भएकाले रोक्न र छेक्न युवा संघका नेता कार्यकर्तालाई निर्देशन दिनुभएको हो ।

सम्बोधन गर्दै प्रधानमन्त्री ओलीले भन्नुभयो, ‘हामीमाथि चारैतिरबाट सर वर्षा भइरहेको छ । ती सर वर्षालाई भाँड्ने र छेक्ने काम गर्नुपर्छ । हामीसँग होला मिडिया हाउस स्थापना गरेका छैनौ, त्यो हाम्रो कमजोरी होला’। उहाँले चुनावका लागि भनेर सरकार घटिया काम नगर्ने भन्दै एउटा व्यक्ति जित्छ हार्छ भनेर सरकारले नहेर्ने बताए ।

एउटा व्यक्ति कसले जित्छ हार्छ, सरकारले त्यो हेर्दैन, लोकतन्त्रलाई जिताउनुपर्छ भन्ने सरकारको काम हो त्यो मात्र हेर्छ’ प्रधानमन्त्री ओलीले भन्नुभयो ।