प्रतिनिधि सभासम्बन्धी रिटमा बहस गर्न १५ घण्टामात्र समय तोकियो, चार जना एमिकस क्युरी झिकाउन आदेश

२६ जेठ, काठमाडौं– प्रतिनिधि सभा विघटन सम्बन्धी मुद्दामा अब १५ घण्टामात्रै बहस हुने भएको छ ।

सर्वोच्चको संवैधानिक इजलासको बुधबारको सुनुवाइपछि जारी आदेशमा अब १५ घण्टामात्र बहस गर्न दिइने लेखिएको छ ।

आदेशमा लेखिएको छ, “इजलासमक्ष बहस छलफल गर्ने प्रयोजनका लागि रिट निवेदकतर्फका कानुन व्यवसायीहरुका लािग सुरु बहसका सन्दर्भमा बढीमा १२ घण्टा र प्रत्यर्थीहरुको तर्फबाट बहस जिकिर समाप्त भएपछि प्रत्युत्तर बहसका लागि कुल तीन घण्टा समय गरी १५ घण्टा बहसका लागि समय प्रदान गरिनेछ । सरकारी वकिलहरुसहित प्रत्यर्थीहरु तर्फका सबै कानुन व्यवसायीका लागि कुल १५ घण्टा मात्र कार्य समय (बहस समय) प्रदान गरिनेछ ।”

यस्तै अदालतले चार जना एमिकस क्युरी झिकाउन पनि आदेश दिएको छ ।

यसअघि पुस ५ गते संसद विघटन हुँदा पनि सर्वोच्चले पाँच जना एमिकस क्युरी झिकाएको थियो ।