सेनाका जवानद्वारा आफैंलाई गोली हानी आत्महत्या

३० असार, काठमाडौं– नेपाली सेनामा कार्यरत सेनाका जवानले गोली हानी आत्महत्या गरेका छन् ।

महोत्तरीमा एक जना सेनाका जवानले आफैंलाई गोली हानी आत्महत्या गरेको प्रहरीले जनाएको हो ।

महोत्तरीको रणभिम गण प्रकौली ब्यारेकमा कार्यरत नेपाली सेनाका एक जवानले बुधबार बिहान आफैंलाई गोली हानेर आत्महत्या गरेको प्रहरी नायव उपरीक्षक (डीएसपी) प्रकाश बिष्टले जानकारी दिए ।

प्रहरीका अनुसार जवान आफैंले मिनी इन्सास हतियारले बाँया कन्चटमा गोली हानेर आत्महत्या गरेका हुन् । आत्महत्या गरेका जवानको घर रामेछाप रहेको प्रहरीले जनाएको छ ।

बुधबार बिहान अन्दाजी पाँच बजेतिर अतिथि गृहसँगैको कोतमा उक्त घटना भएको प्रहरीले जनाएको छ ।

मृतकका आफन्तलाई घटनास्थलमा बोलाइएको र उनीहरु आएपछि मात्रै नाम–ठेगाना सार्वजनिक गर्ने प्रहरीले बताएको छ ।