रामेछापको सुनपती गाउँपालिकामा अध्यक्ष कै मिलेमतोमा चरम आर्थिक अनियमितता

सवाल सम्वाददाता काठमाडौँ रामेछापको सुनापति गाउँपालिकामा चर्को आर्थिक अनियमितता भएको तथ्य बाहिर आएको छ । गाउँकार्यपालिकाले निर्माण गरेको कार्यविधि अनुसार गाँउपालिका भित्रका १० लाख भन्दा बढीको बजेट खुला टेण्डर प्रक्रियाबाट गर्नु पर्नेमा स्वास्थ्य शीर्षकको औषधि खरिदको ३१ लाख बराबरको रकम आपसी मिलेमतोमा घोटाला गरिएको छ ।

गााँउपालिका अध्यक्ष धावा लामा, कार्यकारी अधिकृत सुनिल निरौला, स्वास्थ्य प्रमुख प्रबल कुमार योञ्जन र स्वास्थ्य सहायक अर्जुन श्रेष्ठको मिलेमतोमा घोटाला गरिएको हो । स्वास्थ्य सहायक अर्जुन श्रेष्ठले गाउँपालिका अध्यक्षलाई प्रभावमा पारेर अन्य कर्मचारी र जनप्रतिनिधिहरूलाई समेत दबाब सिर्जना गर्ने गरेको स्रोतले जनाएको छ ।

यस अघिका २० लाख बराबरका कामहरू नियम अनुरसार टेण्डर प्रक्रिया मार्फत भएका छन्  तर अहिले औषधि खरिदको सुचना प्रकाशित नगरिकनै काम गरिएको हो । टेण्डर खुल्ला नगरीकन डालिमा मेडिसेल्स नामक कम्पनी संगको मिलेमतोमा १९ लाख बराबरको औषधि खरिद गरिएको हो ।

यस अघि पनि मिलेमतोमा नै कुनै दैनिक पत्रिकामा सुचना निकाल्ने र त्यो पत्रिका बाहिर ल्याउन नदिइ आफैले खरिद गर्ने गरेको पनि भेटिएको छ । यस अगाडी गाँउपालिकाको खुला सुचनाहरू फेसबुक पेज र आधिकारिक वेबसाइटमा पनि प्रकाशित गर्ने गरिन्थ्यो ।

यो पटक औषधि खरिदको सुचना गाँउपालिकाको वेवसाईट, फेसबुक पेज र सुचनापाटी कतै पनि सार्बजनिक नगरिकन आन्तरिक मिलेमतोमा खरिद गरिएको छ । केही महिना अगाडी गाउपालिका अध्यक्ष धावा लामाले ५ लाख बराबरको औषधी आकस्मिक खरिदको विल बनाएर आफ्नै गाडीमा लिन पुगेका थिए ।

गाँउपालिकाले आवश्यक सामग्री खरिदका लागि खरिद समिति बनाएको भए पनि खरिद समितिको बैठक र निर्णय बिना नै खरिद गर्ने गरेको पाईएको छ । यो गाउँपालिकामा तत्कालिन एनेकपा माओवादीले एकलौटी चुनाव जितेको थियो ।

चुनावी दौरानमा व्यापक लोकप्रिय नारा प्रचार गरेपनि अध्यक्ष धावा लामाको स्वार्थ र व्यक्ति केन्द्रित गतिविधि र सामुहिक रूपमा निर्णय लियर काम नगर्ने प्रवृत्तिले अपेक्षित रूपमा काम हुन नसकेको नेकपाको एक स्थानिय कार्यकर्ताले बताए । हामीले रगत र पसिना बगाएर बनाएको पार्टी र संगठन गाउँपालिका अध्यक्षले हठ प्रस्तुत गरेर बृद्वा आश्रम बनाएको आरोप लगाए । यहि कारणले कम्युनिस्टहरूको आधार क्षेत्र भत्किन सक्ने खतरा पैदा भएको भन्दै उनले चिन्ता समेत व्यक्त गरे ।