प्रधानसेनापतिले लगाए कोरोना भाइरस विरुद्धको खोप

१७ फागुन
काठमाडौँ — प्रधानसेनापति पूर्णचन्द्र थापाले कोरोना भाइरस (कोभिड) १९ विरुद्धको खोप लगाएका छन् ।

प्रधानसेनापति थापाले सोमबार काठमाडौं छाउनीस्थित वीरेन्द्र अस्पतालमा कोरोनाको खोप लगाएको सैनिक जनसम्पर्क तथा सूचना निर्देशनालय जंगी अड्डाले जानकारी दिएको छ ।

नेपालमा माघ १४ गतेदेखि कोरोना भाइरसविरुद्धको खोप लगाउन सुरु भएको हो । सुरुमा स्वास्थ्यकर्मी, सुरक्षाकर्मी लगायत फ्रन्टलाइनमा रहेकाहरूलाई कोरोना खोप लगाइएको थियो भने दोस्रो फागुन २३ गतेदेखि ५५ वर्षभन्दा माथि उमेरकालाई लगाउने सरकारले तय गरेको छ ।