सभामुख सापकोटाले बोलाएको पूर्वसभामुखहरुसँगको परामर्श बैठकमा नेम्वाङ नजाने

११ जेठ, काठमाडौं– सभामुख अग्नीप्रसाद सापकोटाले राखेको पूर्वसभामुखहरुसँगको बैठकमा सुवास नेम्वाङ नजाने हुनुभएको छ । उक्त बैठकमा नेम्वाङलाई बोलाइए पनि पूर्वनिर्धारित कार्यक्रममा जानुपर्ने भएकाले छलफलमा नजाने उहाँले सवाल मिडियासँग बताउनुभयो ।

प्रधानमन्त्रीको सिफरिसमा राष्ट्रपतिले गत शुक्रबार मध्यरातमा संसद विघटन गरेपछि सभामुख सापकोटाले आज पूर्वसभामुखहरुसँग परामर्श गर्न लाग्नुभएको हो । प्रतिनिधि सभाको ल्होत्से हलमा पूर्वसभामुखहरुले छलफल गर्ने बताइएको छ ।

संसद विघटन विरुद्ध हिजो मात्र विपक्षी गठबन्धनका १४६ जना सांसदले हस्ताक्षर सहित सर्वोच्चमा रिट दायर गरेको छ ।