भारत सहित चार देशका लागि उडान भर्न अनुमति, नेवानिसहित चार एयरलाइन्सले उडान भर्ने

१८ जेठ, काठमाडौं– सरकारले भारतमा दुई र अन्य तीन मुलुकका लागि हप्ताको एक उडान गर्न स्वीकृति दिएको छ ।

सरकारले दिएको स्विकृतिसँगै नेपाल एयरलाइन्ससहित चार वायुसेवा कम्पनीले अन्तर्राष्ट्रिय नियमित उडानको अनुमति पाएका हुन्।

स्वीकृत पाएसँगै उडान भर्न पाउनेमा नेपाल वायुसेवा निगम, टर्किस एयरलाइन्स, कतार एयरवेज र एयर इण्डियाले नेपालमा नियमित उडानको अनुमति पाएका हुन् ।

उडानका लागि नेपाल नागरिक उड्डयन प्राधिकरणले उडान तालिका पनि स्वीकृत गरिसकेको छ ।

अनुमति पाएका मध्ये टर्कीस एयरलाइन्सले ३ जुनबाट साताको एक दिनका लागि उडान गर्न पाउने छ । यो उडान हरेक बिहीबार हुनेछ ।

यस्तै नेपाल वायुसेवाले कतारको दोहा र भारतको नयाँ दिल्लीका लागि अनुमति पाएको छ भने दोहाका लागि कतार एयरवेजले पनि एक उडानका लागि स्वीकृती पाएको छ । तालिका अनुसार नेपाल एयरलाइन्स र कतार एयरलाइन्सले हरेक सोमबार उडान गर्नेछन् । यी दुई कम्पनीले जुन ७ देखि उडान भर्न सक्नेछन् ।

त्यस्तै भारतीय वायुसेवा एयर इण्डियाले भने साताको शुक्रबार काठमाडौ उडान गर्ने गरि अनुमति पाएको छ ।

एक साता अगाडि नेपालले अन्य तीन मुलुकमा उडान खोल्ने निर्णय गरेको थियो ।