सरकारी गाडीमा ‘डेटिङ’ गएका सरकारी कर्मचारीलाई कारवाही गर्न निर्देशन

२१ जेठ, काठमाडौं– निषेधाज्ञाकाबीच सरकारी गाडी लिएर ‘डेटिङ’ पुगेका शहरी विकास मन्त्रालयका आयोजना प्रमुख रोशन श्रेष्ठलाई कारवाही गर्ने भएको छ । दोस्रो चरणको कोरोना रोकथामका लागि जारी निषेधाज्ञा उल्लङ्घन गरी सरकारी गाडी लिएरै ‘डेटिङ’ गएपछि गृह मन्त्रालयले कारवाहीको निर्देशन दिएको हो ।

शुक्रबार जिल्ला प्रशासन कार्यालय काठमाडौंलाई पत्र लेख्दै मन्त्रालयले अनुसन्धान गरी श्रेष्ठलाई कारवाहीसहितको वरण समेत पठाउन निर्देशन दिइएको छ । पत्रप्राप्त भएसँगै प्रशासनले कारवाही अघाडी बढाइसकेको जनाएको छ ।

गत आइतबार शहरी विकास मन्त्रालयअन्तर्गत सहरी विकास विभागको नयाँ सहर आयोजना प्रमुख श्रेष्ठ युवती लिएर स्वयम्भू पुगेका थिए । निषेधाज्ञामा प्रेमिल जोडी भेटिएको उक्त भिडियो भाइरल भएको थियो । निषेधाज्ञामा प्रेमलाप गरिरहेको भिडियो सार्वजनिक भएपछि भाइरल भएको थियो । उक्त भिडियोमा अनैतिक कार्य पनि भएको देखिएको छ । भिडियोमा रहेकी युवती शहरी विकास विभागकै इन्जिनियर रहेको बताइएकोे छ ।

प्रशासनले अहिले यस विषयमा विस्तृत अनुसन्धान बढाइरहेको छ ।

निषेधाज्ञाकाबीच केही दिनअघि स्वयम्भूमा प्रदेश ३–०१–००२ झ ४९२२ नम्बरको सरकारी गाडी लिएर एक सरकारी कर्मचारी युवक स्वयम्भूमा एक युवतीसहित पुगेको दृश्य भाइरल भएको थियो ।