विषालु च्याउ खाँदा इलाममा दुईको मृत्यु

२६ जेठ, काठमाडौं– विषालु च्याउँ खाँदा इलाममा दुई जनाको मृत्यु भएको छ ।

मृत्यु हुनेमा इलामको सन्दकपुर गाउँपालिका वडा नम्बर १ खोलाघारीका ५० वर्षीय टीकाबहादुर राई र ५२ वर्षीय जीतबहादुर राईको मंगलबार रहेका छन् ।

दुवैले गत शनिबार इलाम नगरपालिका वडा नम्बर ३ पुवामझुवाका वीरमान राईका घरमा जंगली च्याउ खाएका थिए।

प्रहरीका अनुसार टीकाबहादुरको बिर्तामोडको बिएण्डसी हस्पिटलमा उपचारका क्रममा मंगलबार मृत्यु भएको हो।

यस्तै जीतबहादुरको भने आफ्नै घरमा मृत्यु भएको हो।

वीरमान र उनकी पत्नी विष्णुकुमारी लाई भने उपचारपछि निको भएको जिल्ला प्रहरी कार्यालय झापाले जनाएको छ । उनीहरुलाई उपचारका लागि झापाको बी एण्ड सी अस्पतालमा ल्याइएको थियो ।

उपचारपछि उनीहरु घर फर्केका छन्।