१३ वर्षिया बालीकालाई जबरजस्ती करणी गरेको आरोपमा एक पक्राउ

१४ असार, काठमाडौं– तेह्र बर्षीया बालिकालाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ ।

पक्राउ पर्नेमा भक्तपुर कमलबिनायक बस्ने दोलखा वैतेश्वर गाउँपालिका–४ घर भएका ३२ वर्षीय बसन्त दमाईलाई रहेको प्रहरीले जनाएको छ ।

प्रहरीले आइतबार दिउँसो उनलाई पक्राउ गरेको हो ।

बसन्तले ती बालिकालाई जबरजस्ती करणी गरेको सूचना पाउनासाथ महानगरीय प्रहरी वृत्त जगातीबाट खटिएको प्रहरीले उनलाई पक्राउ गरेको हो ।

घटनामा प्रहरीले थप अनुसन्धान गरिरहेको जनाएको छ ।