लञ्चसहितको छलफलमा जुटे कांग्रेसका तीन प्रभावशाली नेता

१५ असार, काठमाडौं– नेपाली कांग्रेसका तीन प्रभावशाली नेताबीच छलफल भएको छ।

कांग्रेसका तीन प्रभावशाली नेताहरु प्रकाशमान सिंह, उपसभापति विमलेन्द्र निधि र महामन्त्री शशांक कोइरालाबीच छलफल भएको हो । तीन प्रभावशाली नेताबीच नेता सिंहको निवास चाक्सीबारीमा छलफल भएको हो ।

उनीहरुबीच ‘लञ्चसहितको बैठक भइरहेको’ नेता सिंहका प्रेस संयोजक यूपी लामिछाने बताए ।

आसन्न १६ औं महाधिवेशनका लागि नेतृत्वमा दाबी गर्न नेताहरु अहिले छलफलमा अग्रसर छन् ।

छलफलमा जुटेका तीन नेताहरुले यसअघि निधि निवास र कोइराला निवासमा पनि छलफल गरेका थिए ।

महाधिवेशनमा साझा उम्मेदवार बन्न प्रयास स्वरुप छलफल भइरहेको कांग्रेस नेताहरु बताउँछन् ।