एमाले बैठकः स्थायी कमिटीमा आठ जना थप

१६ असार, काठमाडौं– नेकपा एमालेको स्थायी कमिटीमा थप आठ जना थप भएका छन् ।

एमालेको दशौं महाधिवेशन आयोजक कमिटीको बैठकले पूर्वमाओवादी तर्फका चारजना र साविकको नेपाल कम्युनिष्ट पार्टी (नेकपा) बन्दा मनोनित चार जनालाई स्थायी कमिटीमा थप गरिएको हो ।

बैठकले रामबहादुर थापा बादल, लेखराज भट्ट, मणि थापा, टोपबहादुर रायमाझी, रघुवीर महासेठ, रघुजी पन्त, विष्णु रिमाल र बेदुराम भुसाललाई स्थाय कमिटीमा थप गरेको जनाएको छ ।

थप गरिएकामध्ये बादल, भट्ट, थापा र रायमाझी पूर्वमाओवादीका तर्फबाट नेकपामा स्थायी कमिटी सदस्य थिए । महासेठ, पन्त, रिमाल र भुसाल भने माओवादीसँग एकता हुँदा स्थायी कमिटी सदस्य मनोनित भएका थिए ।