जसपाको कार्यकारिणी समितिमा महन्थको भन्दा उपेन्द्रको पक्षमा दोब्बरभन्दा बढी सदस्य

११ साउन, काठमाडौं– जनता समाजवादी पार्टी (जसपा) नेपालको कार्यकारिणी समितिमा उपेन्द्र यादवको समर्थन बलियो देखिएको छ । समितिमा महन्थ पक्षको तुलनामा यादव पक्षमा दोब्बरभन्दा बढी सदस्य देखिएको हो ।

सोमबार निर्वाचन आयोगले सोमबार सनाखतका लागि बोलाएको जसपा नेपालका कार्यकारिणी सदस्यहरुलाई आयोगमा उपेन्द्रको पक्षमा दोब्बरभन्दा बढी सदस्य देखिएका हुन् ।

आयोगमा उपस्थित भएका ५१ कार्यकारिणी समिति सदस्यमध्ये उपेन्द्र यादवको पक्षमा ३४ जनाले समर्थन जनाएको आयोग स्रोतले जानकारी दिएको छ ।

यस्तै, महन्थ ठाकुरको पक्षमा भने १६ जनामात्र छन् । जसपाका कार्यकारिणी समिति सदस्य रेशम चौधरी भने तटस्थ रहे ।