निर्वाचन आयोगद्वारा ४१ वटा दलको दर्ता खारेज, प्रत्येकलाई ५० हजार रुपैयाँ जरिवाना

१९ साउन,काठमाडौं– निर्वाचन आयोगले ४१ वटा राजनीतिक दलको दर्ता खारेज गरेको छ । आयोगले लगातार लगातार तीन वर्षसम्म लेखापरीक्षण नबुझाएका दललाई यही साउन २० गतेदेखि लागु हुनेगरी दलको दर्ता खारेज गरेको हो ।

आयोगका प्रवक्ता राजकुमार श्रेष्ठका अनुसार मंगलबार बसेको बैठकले साउन २० गतेदेखि लागू हुने गरी ४१ वटा दलको दर्ता खारेज गर्ने निर्णय गरेको हो ।

आयोगले खारेज भएका प्रत्येक राजनीतिक दललाई ५० हजार जरिवाना तोकेको छ ।

अब ९५ वटा दलको मात्र दर्ता कायम रहेको उनले बताए । यसअघि, आयोगमा १३६ दल दर्ता थिए ।