५० वर्ष पहिले हराएको “उमामहेश्वर”को मूर्ति अमेरिकाबाट नेपाल फर्कियो

२९ भदौ, काठमाडौँ – पाटनको गाः हिति ९ढुंगेधारा० बाट हराएर अमेरिकाको डेन्भर आर्ट म्युजियममा पुगेको उमा महेश्वरको मूर्ति नेपाललाई हस्तान्तरण गरिएको छ । सन् १९७५ देखि म्युजियममा प्रर्दशन गरिएको उक्त मूर्ति नेपालको भन्ने थाहा पाएपछि म्युजियमले नेपालको दुतावासलाई हस्तान्तरण गरेको हो। नेपालतर्फका राजदूत युवराज खतिवडाले उक्त मूर्ति फिर्ता लिदै खुसी व्यक्त गर्नुभएकोहो । साथै सांस्कृतिक सम्पदाको संरक्षणमा दुई देशबीचको सम्बन्ध अझ सुदृढ बनाउन यसले सहयोग पुर्‍याएको उहाँले बताउनुभयो। १० औं शताब्दी पुरानो यो मूर्तिमा शिव, उनकी पत्नी पार्वती,सन्तान र अन्य भगवानका आकृति कुदिँएका छन्।

लैनसिंह बाङ्देलको किताब ‘स्टोलन इमेजेज अफ नेपाल’ र गाः हितिका स्थानियसँग कुराकानीको आधारमा उक्त मूर्तिलाई फिर्ता ल्याउन पहल गरिएको थियो । स्थानीयहरूका अनुसार यो मूर्ति करिब ५० वर्ष पहिले हराएको हो। केही महिनाअघि पनि अमेरिकाको डलास म्युजियले पाटनको १२ औं शताब्दी पुरानो लक्ष्मी नारायणको मूर्ति नेपाललाई फिर्ता दिएको थियो।