अर्थमन्त्रालयको असक्षमता लुकाउन ‘एम अधिकारी’ प्रकरण ल्याइयो : एमाले

२९ असार, काठमाडौँ – नेकपा एमालेका सांसद कृष्णभक्त पोखरेलले ुएम अधिकारीु प्रकरणलाई अर्थमन्त्रालयको असक्षमता लुकाउन सत्तारूढ पक्षले नै उचालेको आरोप लगाएका छन् ।

बुधवार प्रतिनिधि सभामा बोल्दै उनले भने, ुसत्तापक्षका सांसदहरूले गभर्नर महाप्रसाद अधिकारी एमालेको अर्थ विभागको सदस्य भएको भन्दै अर्थमन्त्रालयको असक्षमता लुकाउन विषयान्तर गरेको देख्दा मलाई दया भाव लागिरहेको छ ।ु

उनले गभर्नर महाप्रसाद अधिकारी स्वयंले आफू कुनै पार्टीको सदस्य नरहेको भनिसकेपछि यो विषयलाई उचाल्न आवश्यक नरहेको बताए ।

उनले भने, ुअर्बौं रुपैयाँलाई वैध बनाउन गठबन्धन सरकारले दिएको आदेश नमान्दा नेपाल श्रीलंका हुने रहेछ भन्ने बुझाइ सत्तापक्षका माननीयको हो भने, त्यस्तो बुझाइप्रति हाम्रो दया भाव भन्दा अरू जाग्दैन