आज बालुवाटार छोड्दै ओली

३० असार, काठमाडौं– निवर्तमान प्रधानमन्त्री केपी शर्मा ओलीले आज सरकारी निवास बालुवाटार छोड्ने हुनुभएको छ ।

सर्वोच्च अदालतले प्रतिनिधिसभा पुनः स्थापना गर्दै शेर बहादुर देउवालाई प्रधानमन्त्रीमा नियुक्त गर्न परमादेश दिएपछि ओलीले सरकारी निवास बालुवाटार छोड्न लाग्नुभएको हो ।

ओलीनिकट स्रोतअनुसार उहाँले बिहान ११ बजेपछि बालुवाटर छोडेर आफ्नो निजीनिवास बालकोट जाने हुनभएको हो ।

उहाँलाई बालुवाटारदेखि बालकोटसम्म एमाले कार्यकर्ताहरुले स्कर्टिङ गरेर बालकोटसम्म पु¥याउने एमाले नेता महेश बस्नेतले बताउनुभयो ।

ओलीलाई स्कर्टिङमार्फत बालकोट पु¥याउनका लागि भेला हुन नेता बस्नेतले कार्यकर्ताहरुलाई यसअघि नै आह्वान गरिसकेको बताउनुभयो ।

सर्वोच्चको परमादेश लगत्तै राष्ट्रपति विद्यादेवि भण्डारीले मंगलबार नै प्रधानमन्त्रीमा नियुक्त गरिसक्नभएको छ ।

प्रधानमन्त्री देउवाले मंगलबार नै पद तथा गोपनियताको शपथ ग्रहण गर्दै मंगलबार साँझ नै कार्यभार सम्हाल्नुभएको छ ।