लुम्बिनी प्रदेशको नीति तथा कार्यक्रमको विपक्षमा मतदान गर्न जसपाले लगायो ह्वीप

३० जेठ, काठमाडौं– जनता समाजवादी पार्टी (जसपा)ले लुम्बिनी प्रदेश सरकारमा प्रस्तुत भएको नीति तथा कार्यक्रमको विपक्षमा उभिन ह्वीप लगाएको छ ।

जसपाले सभामा प्रस्तुत भएको नीति तथा कार्यक्रमको विपक्षमा मतदान गर्न सांसदलाई ह्वीप जारी गरेको हो ।

जसपा प्रमुख सचेतक पुर्मती ढेंगा मगरले आज एक विज्ञप्ती जारी गर्दै सरकारको नीति तथा कार्यक्रमको विपक्षमा मतदान गर्न ह्वीप जारी गर्नुभएको हो ।

प्रमुख सचेतक मगरले जसपा संसदीय दलका नेता सहशराम यादवको निर्देशनमा उक्त ह्वीप जारी गरेको विज्ञप्तीमा उल्लेख छ ।

लुम्बिनीमा प्रदेश सरकारको मन्त्रीमण्डलमा जसपाका सांसद विजयकुमार यादव, सुमन शर्मा रायमाझी, सन्तोषकुमार पाण्डेय र कल्पना पाण्डेय सहभागी रहेकाले उनीहरूका लागि भनेर ह्वीप गरिएको स्रोतले बतायो । ह्वीप जारी गर्नेहरु बाबुराम–उपेन्द्र पक्षका सांसद हुन्।

यस्तै सरकारमा सहभागी भएकारु ठाकुर–महतो पक्षका हुन् ।

लुम्बिनीमा जसपाका ६ जना सांसदमध्ये ४ जना महन्थ-राजेन्द्र पक्षधर छन भने बाबुराम-उपेन्द्र पक्षधर २ जना सांसद रहेका छन्।