अब हामी सँग कुनै बिकल्प छैन, भोकै अर्काको देशमा मर्न बाट बचाउन हाम्रो गुहार

हामी दुबाइ को “ट्रान्सगार्ड ग्रुप एल एल सी“ भन्ने सप्लाइ कम्पनी मा छौ । यो कम्पनी मा काम गर्ने नेपाली मात्र एउटा क्याम्प मा करिब २ हाजर भन्दा बढी छन् । यहाँका सबै क्यम्प मा गरेर झन्डै १० हजार भन्दा बढी नेपाली मात्र छन् । ती मध्ये धेरैजसो गत चार महिन देखी काम विहिन छन् । कम्पनीले बिहन र बेलुका दुई छाक खान दिएर अहिले सम्म कम्पनीको क्याम्पमा राखेको थियो । तर अब कम्पनीले यसरी दिदै आएको खान र बस्न पनि दिन नसक्ने जनाएको छ । अन्य देशका कामदारहरुलाई त्यहाँको सरकारले आफ्नो आफ्नो देश लगिसकेको छ । कम्पनीले केही दिनका लागि हामीले सहयोग गरेको हो यसरी महिनौ सम्म खर्च व्यहोर्न नसक्ने जनाएको छ । कम्पनी यत्राे महिन सम्म नेपाल सरकारले आफ्ना नागरिकको वास्ता नगर्नुमा हाम्रो गल्ती नभएको भन्दै पन्छीन खोज्दै छ ।
कम्पनी को भनाइ अनुसार अन्य मुलुकका नागरिक हरुलाई कोहीले उनीहरुमो आफ्नै चार्टर्ड फ्लाइट गरेर त कोहीले नियमित फ्लाइटमा लगिसकेको छ तर नेपाली नागरिकहरुकालागि त्यहाँको सरकारले अहिले सम्म कुनै व्यवस्था गर्न सकेन ।
नेपालमा रेस्क्यु फ्लाइट भनेर ४ महिनमा सुरु गरेपनि प्रभावकारी ढंगले गर्न सकेको छैन भने धेरैले दुतावसले खुल्ला गरेको फारम समेत भरेका छैनन् । धेरैको नाम दुतावासको रेस्क्यु लिस्ट छैन् । धेरै कामदारहरुले उनिहरुको नाम कम्पनीले नै दुतावासमा पठाउछ भन्ने भ्रमको भरमा फारम नै नभरेको र कतिपय लाई फारम भर्ने जानकारी नै नभएको अवस्था छ ।
अझ अर्को कुरा यहाँ अधिकांस कामदार पढ्नलेख्न नसक्ने पनि छन् । क्लिनर, कन्स्ट्रक्सन जस्तो क्षेत्रमा काम गर्ने कतिपयलाई आफ्नै गोजिमा भएको मोबाइल चलाउन सम्म आउदैन । त्यस्ता कामदारहरुले कसरी दुतावासको अनलाइन फारम भरोस ? यस्ता विभिन्न कारणले कतिपयले अनलाइन फारम भरेका छैनन् । अनलाइन फारम भरेकोहरु मध्ये बाट जम्मा जम्मी ५० ६० जनाको मात्र नाम लिस्टमा छ । अब के बाकी अलपत्र परेकोहरु घर जान नपाउने त ?
यहाँ कम्पनीले भन्छ, कम्पनीले आफै फ्लाइट चार्टर गरेर पठाउन तयार छ तर दुतावास सँग कुरा गर्दा त्यस्तो अनुमती नभएको भन्छ । उता नेपाल सरकारले पनि आफ्न नागरिक स्वदेश फर्काउन उदासीन देखीन्छ । यो अवस्थामा यहाँ रहेका कम्पनीहरुलेन त फ्लाइट चार्टर गरेर पठाउन नै सक्छ न त ती बन्द भएको कम्पनीहरुले आब खान बस्नको व्यवस्था नै गर्न सक्छन् । यहाँका ठुला कम्पनीहरुलाई उनिहरुको आफै फ्लाइट चार्टर गरेर पठाउन दिने हो भने अलपत्र पर्ने धेरैको उद्घार हुनेछ । हैन भने धेरै नेपाली कामदार यहाँ भोकै मर्ने स्थिती आउने निश्चित देखीन्छ ।
दुबाइको “ट्रान्सगार्ड ग्रुप एल एल सी“ बाट हामी नेपाली नागरिक