सभामुख सापकोटाले आज संविधानविदहरुसँग परामर्श गर्दै

१३ जेठ, काठमाडौं– सभामुख अग्नि सापकोटाले आज संविधानविद्हरूसँग परामर्श गर्नुहुने भएको छ । सभामुख सापकोटाले आज दिउँसो १ बजे संसद भवनमा संविधानविद्हरुसँग परामर्शको कार्यक्रम रहेको सचिवालयले जनाएको छ ।

प्रधानमन्त्रीको सिफारिसमा संसद विघटन भएयता सभामुख सापकोटाले सो कदम असंवैधानिक भएको बताउँदै आउनुभएको छ ।

आजको छलफलमा सभामुख सापकोटाले कानुन र न्यायिक क्षेत्रका विज्ञहरुलाई छलफलका लागि बोलाउनुभएको सभामुख सापकोटाका प्रेस संयोजकले बताउनुभयो ।

यसअघि गत बुधवार सभामुख सापकोटाले पूर्व सभामुखहरुसँग पनि छलफल गर्नुभएको थियो ।