बौद्धमा बोरामा प्याक गरिएको अवस्थामा शव फेला

२५ जेठ, काठमाडौँ – काठमाडौँको  बौद्धस्थित नयाँबस्तीमा बोरामा प्याक गरेको अवस्थामा एक जनाको शव भेटिएको छ।

मंगलवार विहान बोराबाट बाहिर खुट्टा निस्किएको र जलेको अवस्थामा शव  भेटिएको महानगरीय प्रहरी बीट बौद्धका प्रमुख डीएसपी नविन कार्कीले  जानकारी दिनुभएको हो ।

शव देखेपछि स्थानीयले प्रहरीलाई खबर गरेका थिए। अहिले सो क्षेत्रमा नेपाल प्रहरीको बौद्ध वृत्त र काठमाडौं परिसरको टोली पुगेको छ ।

घटनाबारे थप अनुसन्धान भइरहेको डीएसपी कार्कीले जानकारी दिनुभयो ।