आगामि वर्ष नेपालको आर्थिक वृद्धिदर ३.९ प्रतिशत पुग्ने विश्व बैंकको प्रक्षेपण

२६ जेठ, काठमाडौं– विश्व बैंकले आगामि आर्थिक वर्षमा नेपालको अर्थतन्त्र ३.९ प्रतिशतले बढ्ने प्रक्षेपण गरेको छ ।

विश्व बैंकले आर्थिक वर्ष २०२१÷२२ मा नेपालको अर्थतन्त्र ३.९ प्रतिशतले वृद्धि हुने प्रक्षेपण गरेको हो ।

यस्तै आर्थिक वर्ष २०२२÷०२३ सम्ममा आर्थिक वृद्धिदर ५.१ प्रतिशतले पुग्ने विश्व बैंकको अनुमान रहेको छ ।

नेपालको आर्थिक वृद्धिदर २०२१ को जनवरीमा गरिएभन्दा २.१ प्रतिशत र २०२१÷२२ मा १.४ प्रतिशतले बढी रहेको उल्लेख छ।

विश्व बैंकले आर्थिक वर्ष २०२०÷०२१ मा भने वृद्धिदर २.७ प्रतिशतमा सीमित अनुमान गरेको छ ।

प्रतिवेदनमा सन् २०२१ मा दक्षिण एसियाली क्षेत्रको आर्थिक वृद्धिदर ६.८ प्रतिशतले वृद्धि हुने अनुमान गरिएको छ। यस्तै विश्व अर्थतन्त्र ५.६ प्रतिशतले बढ्ने अनुमान गरिएको छ ।