प्रतिनिधि सभा विघटसम्बन्धी मुद्दाः पुरानै बेञ्चलाई निरन्तरता, सुनुवाइ जारी

२६ जेठ, काठमाडौं– प्रतिनिधि सभा विघटनसम्बन्धी रिटमा अहिलेको संवैधानिक इजलास नै कायम रहने भएको छ ।

इजलासमा न्यायाधीशद्वय आन्नदमोहन भट्टराई र दीपक भट्टराईमाथि प्रश्न उठाइएको थियो । तर प्रधानन्यनयधीश चोलेन्द्र शमसेर जबराले इजलास सुरु गर्न अनुमति दिएपछि बहस सुरु भएको हो ।

बहसका लागि अनुमति दिएपछि विपक्षी तर्फका कानुन व्यवसायी राजाराम घिमिरेले आफ्नो निवेदन स्मरण गराएका थिए । तर प्रधानन्यायाधीश जबराले यही बेञ्चलाई निरन्तरता दिने बताउनुभयो ।

बहसले निरन्तरता पाएपछि, ‘अब यो जिम्मेवारीबाट भाग्दैनौं ।’ न्यायाधीश ईश्वर खतिवडाले भने, ‘कहिले काँही शब्दबाट त कहिले मौनताबाट जवाफ हुने भन्दै उनले अब बेञ्च गठनबारे बहस नगर्न आग्रह गरे ।’

प्रतिनिधि सभा विघटन सम्बन्धी रिटमा अहिले रिटको निवेदकका तर्फबाट वरिष्ठ अधिवक्ता महादेव यादवले बहस गरिरहेका छन् ।