गण्डकी प्रदेशका मुख्यमन्त्री विश्वासको मत पाउन असफल, सरकार कामचलाउमा परिणत

२७ जेठ, काठमाडौं– गण्डकी प्रदेशका मुख्यमन्त्री पृथ्वीसुब्बा गुरुङ विश्वासको मत प्राप्त असफल भएका छन् ।

प्रदेश सभामा बिहीबार भएको मतदानमा मुख्यमन्त्री गुरुङले विश्वासको मत पाउन नसकेका हुन् ।

प्रदेश सभामा मतदानमा सहभागिमध्ये २७ जनाले प्रस्तावको पक्षमा मत राखेका थए भने विपक्षमा ३० मत परेको थियो । यस्तै एक जना तटस्थ बसेका थिए ।

आजको प्रदेशसभा बैठकमा कुल ५७ जना सांसद उपस्थित रहेका थिए ।

प्रदेश सभाको कायम संख्याको बहुमत नपुगेकाले सभामुखले मुख्यमन्त्रीले विश्वासको मत नपाएसँगै मन्त्री गुरुङ स्वतः पदमुक्त भएको घोषणा गरेका थिए ।

विश्वासको मत पाउन नसकेसँगै सरकार कामचलाउमा परिणत भएको छ।

अब प्रदेशसभामा सरकार गठनका लागि संविधानको धारा १६८ को प्रक्रियाअनुसार कारवाही प्रारम्भ हुनेछ ।