जबरजस्ती करणीको आरोपमा एक पक्राऊ

१५ असार, काठमाडौं– जबरजस्ती करणी गरेको आरोपमा झापाबाट एक पुरुष पक्राउ परेका छन् ।

२१ वर्षीया महिलालाई जबरजस्ती करणी गरेको अभियोगमा प्रहरीले बुद्धशान्ति गाउँपालिका–३ पुलचोक बस्ने राजु थापा भन्ने २४ वर्षीय नुर खानलाई प्रहरीले पक्राउ गरेको हो । प्रहरीले सोमबार दिउँसो उनलाई पक्राउ गरेको हो ।

खानले ती महिलालाई मेचीनगर नगरपालिका–११ बाँसवारीस्थित शुभकामना होटल एण्ड लजको कोठाभित्र असार ८ गते ललाई फकाई जबरजस्ती करणी गरेको सूचनाको आधारमा ईलाका प्रहरी कार्यालय धुलाबारीबाट खटिएको प्रहरीले उनलाई पक्राउ गरेको हो ।

प्रहरीले यस विषयमा थप अनुसन्धान गरिरहेको जनाएको छ ।