सवारी चालक अनुमतिपत्र किर्ते गरेको आरोपमा पक्राउ

१८ असार, काठमाडौं– सवारी चालक अनुमतिपत्र किर्ते गरेको अभियोगमा प्रहरीले ललितपुरबाट एक जनालाई पक्राउ गरेको छ ।

प्क्राउ पर्नेमा महालक्ष्मी नगरपालिका–६ बस्ने देवकाजी तामाङलाई रहेको प्रहरीले जनाएको छ । प्रहरीले उनलाई बिहीबार प्रहरीले पक्राउ गरेको हो।

लगनखेल बसपार्क अगाडि सडकमा महानगरीय ट्राफिक प्रहरी वृत्त सातदोबाटो ललितपुरबाट खटिएको प्रहरीले जाँच गर्नेक्रममा जावलाखेलबाट लगनखेलतर्फ आउदै गरेको बा.२ ख ६५५६ नम्बरको बसका चालक देवकाजीलाई सवारी चालक अनुमतिपत्र शंकास्पद देखिएपछि प्रहरीले उनलाई पक्राउ गरेको हो ।

उनी उपर जिल्ला अदालत ललितपुरबाट ७ दिनको म्याद थप अनुमति लिई थप अनुसन्धान भईरहेको महानगरीय प्रहरी परिसर ललितपुरले जनाएको छ ।