पहिरो पन्छाएर नारायणगढ–मुग्लिङ सडकखण्ड एकतर्फी रुपमा सञ्चालनमा

१८ असार, काठमाडौं– लगातारको वर्षा सँगै आएको पहिरोले अवरुद्ध नारायणगढ–मुग्लिन सडकखण्ड एकतर्फी रुपमा सञ्चालनमा आएको छ ।

उक्त सडकखण्डमा धादिङको बेनीघाट रोराङ गाउँपालिका वडा नम्बर–१० मा पहिरो खसेपछि राजमार्ग अबरुद्ध भएको थियो ।

‘अहिले खसेको पहिरो पन्छाएर एकतर्फी रुपमा सवारीसाधन सञ्चालनमा ल्याइएको छ । दुईतर्फी सञ्चालनमा आउन अझै केही समय लाग्छ’ मुग्लिङ प्रहरीले बतायो।

लेदो माटो र ढुंगासहित पहिरो झर्ने क्रम नरोकिएकाले समस्या भएको मुग्लिङ प्रहरीले जनाएको छ।