आफ्नै छोरीलाई जबरजस्ती करणी गरेको आरोपमा पक्राउ

२० असार, काठमाडौं– आफ्नै छोरीलाई जबरजस्ती करणी गरेको आरोपमा बाँकेबाट एक जना पक्राउ परेका छन् ।

आफ्नै १७ वर्षीया छोरीलाई जबरजस्ती करणी गरेको अभियोगमा खजुरा गाउँपालिका–२ केगाँउ बस्ने ४२ वर्षीय पुरुषलाई शनिबार राति प्रहरीले पक्राउ गरेको हो ।

उनले आफ्नै छोरीलाई विगत ९ वर्षको उमेरदेखि नै पटकपटक जबरजस्ती करणी गर्दै आएको प्रहरीको प्रारम्भिक अनुसन्धानबाट खुलेको छ ।

गत बुधबार बिहान समेत जबरजस्ती करणी गरेको भन्ने सूचना पाएपछि प्रहरी चौकी राधापुर बाँकेबाट खटिएको प्रहरीले उनलाई पक्राउ गरेको हो ।

प्रहरीले यस सम्बन्धमा थप अनुसन्धान गरिरहेको जनाएको छ ।