उपत्यकाको निषेधाज्ञा एक साता थप, बारअनुसार पसल खोल्न पाइने

६ असार, काठमाडौं– काठमाडौं उपत्यकामा जारी निषेधाज्ञा एक साता लम्ब्याइएको छ । निषेधाज्ञा यसअघि भन्दा थप खुकुलो बनाउँदै लम्ब्याइएको हो ।

आइतबार बसेको उपत्यकाका तीन जिल्लाका प्रमुख जिल्ला अधिकारीहरुको बैठकले उक्त निर्णय गरेको हो ।

हाल असार ७ गते मध्यरातिसम्मका लागि लागू गरिएको निषेधाज्ञा पछि थपिएकोे निषेधाज्ञा लागू हुनेछ ।

थपिएको निषेधाज्ञा अवधिमा निजी सवारी साधन जोर विजोर प्रणालीमा चलाउन पाइनेछ भने बार अनुसार पसल सञ्चालन गर्न पाइने जनाइएको छ ।