नेपालका प्रिन्स एसियाकै उत्कृष्ट जुनियर ब्याडमिन्टन खेलाडी

श्रावण—३, काठमाडौँ
नेपालका ब्याडमिन्टन खेलाडी प्रिन्स दाहाल एसियाकै उत्कृष्ट जुनियर ब्याडमिन्टन खेलाडी घोषित भएका छन् । एसिया ब्याडमिन्टनले प्रिन्सको लेख लेख्दै अहिलेको अवस्थामा प्रिन्स नै एसियाली क्षेत्रको उत्कृष्ट युवा खेलाडी भएको लेखेको छ । ब्याडमिन्टन एसियाले हरेक हप्ता एसियाली क्षेत्रका उत्कृष्ट खेलाडीको आर्टिकल सार्वजनिक गर्ने गरेको छ । जस अन्तरगत यो साता नेपालका प्रिन्सका आलेखलाई सार्वजनिक गरेको हो ।
जुनियर लेभलमा प्रिन्स विश्व वरियतामा शीर्ष सातौं स्थानमा रहेका छन् । अन्तर्राष्ट्रिय स्तरमा प्रिन्सले गएको सेप्टेम्बरमा दुवई जुनियर इन्टरनेसनलमा प्रथम भएका थिए । यस्तै उनले नेपालमा र विदेशमा गरि दर्जनौं प्रतियोगितामा पदक जितिसकेका छन् ।
दार्चुलाको खलंगामा जन्मिएका उनले विभिन्न उमेर समुहमा आफ्नो राम्रो प्रस्तुती दिइसकेका छन भने नेशनल च्याम्पियनको लक्ष्यमा रहेका छन् । लामो समयको लकडाउन पछि अहिले ब्याडमिन्टनको अभ्यास सुरु भएको छ । प्रिन्स पनि अहिले आफुलाई अभ्यासमा नै व्यस्त गराइरहेका छन् ।