अब हप्ताको दुई दिन मात्रै कोरोना ब्रिफिङ हुने

१३ कात्तिक
काठमाडौँ– स्वास्थ्य तथा जनसङ्ख्या मन्त्रालयले कोभिड–१९ सम्बन्धी जानकारी अब हप्ताको दुई दिन मात्रै प्रेस ब्रिफिङमार्फत् सार्वजनिक गर्ने भएको छ ।

यही हप्तादेखि लागू हुने गरी मन्त्रालयले आइतबार र बुधबार कोभिड–१९ सम्बन्धी प्रेस ब्रिफिङ हुने जनाएको हो ।

हप्ताको दुई दिन मात्रै प्रेस बिफ्रिङ हुने भए पनि बाँकी दिनमा सामाजिक सञ्जाल र मन्त्रालयको कोभिड–१९ वेब पोर्टलमार्फत् विवरण अद्यावधिक गर्ने मन्त्रालयका प्रवक्ता डाक्टर जागेश्वर गौतमले जानकारी दिनुभयो ।