प्रचण्ड–माधव देउवा निवासमा तीन नेताको बैठक शुरु

१२ फागुन 
काठमाडौं – नेकपाको एउटा धारको नेतृत्व गरिरहेका पुष्पकमल दाहाल प्रचण्ड र माधवकुमार नेपालले नेपाली कांग्रेसका सभापति शेरबहादुर देउवासँग छलफल गर्दैछन् ।

प्रचण्ड र नेपाल देउवालाई भेट्न उनको निवास बूढानीलकण्ठ जाँदैछन्। उनीहरूबीच दिउँसो छलफल हुने देउवानिकट एक नेताले बताउनु भयो ।

आज चितवनमा तय गरिएको कार्यक्रमका लागि हिजो चितवन पुगेका दाहाल र नेपाल सर्वोच्च अदालतको हिजैको फैसलापछि कार्यक्रम नगरेरै काठमाडौं फर्किएका हुन्।

नेकपाको अर्को धारको नेतृत्व गरिरहेका प्रधानमन्त्री ओली भने आफू पक्षीय स्थायी कमिटी बैठक बोलाएका छन्। बैठक बालुवाटारमा जारीरहेको छ।