चिनियाँ राष्ट्रपतिले घोषणा गरेकोमध्ये दुई लाख डोज खोप पर्सि नेपाल आइपुग्ने

१४ जेठ, काठमाडौं– परराष्ट्रमन्त्री प्रदीप ज्ञवालीले चीनका राष्ट्रपति सी चिनफिङले घोषणा गरेको १० लाख डोजमध्ये २ लाख खोप आइतबार नेपाल आइपुग्ने बताउनुभएको छ।

मन्त्री ज्ञवालीले स्वास्थ्य पत्रकारसँग जुम मार्फत गरेको छलफलमा उक्त जानकारी दिनुभएको हो ।

खोप मे ३० तारिख अर्थात् पर्सि तिब्बतबाट २ लाख डोज आउने उहाँले बताउनुभयो । त्यसपछि जुन १ वा २ तारिखमा थप ८ लाख खोप चीनबाट आउने पनि उहाँले बताउनुभयो ।

केही दिनअघि नेपालकी राष्ट्रपति विद्यादेवी भण्डारी र चीनका राष्ट्रपति सीबीच भएको टेलिफोन वार्तामा राष्ट्रपति सीले नेपाललाई अनुदानमा १० लाख डोज खोप उपलब्ध गराउने घोषणा गर्नुभएको थियो ।