नागरिकता सम्बन्धी अध्यादेश तत्काल लागू नगर्न सर्वोच्चको अन्तरिम आदेश

२७ जेठ, काठमाडौं– सर्वोच्च अदालतले नागरिकता अध्यादेश २०७८ कार्यान्वयन नगर्न अन्तरिम आदेश दिएको छ ।

प्रधानन्यायाधीश चोलेन्द्र शमशेर राणासहितको संवैधानिक इजलासले तत्कालै नागरिकता अध्यादेश कार्यान्वयन नगर्न अन्तरिम आदेश जारी गरेको हो।

प्रधानन्यायाधीश चोलेन्द्र शमशेर राणाको नेतृत्व रहेको न्यायाधीशहरु दीपककुमार कार्की, मिरा खड्का, हरिकृष्ण कार्की र ईश्वरप्रसाद खतिवडाको इजलासले यो आदेश दिएको हो ।

संसद विघटनपछि जसपाको ठाकुर पक्षलाई सरकारमा ल्याउन अध्यादेशमार्फत नागरिकता विधेयक जारी गरिएको थियो ।

सर्वोच्चको संवैधानिक इजलासले अन्तरिम जारी गरेसँगै नागरिकता अध्यादेश रोकिने भएको छ ।