सरुवारोग अस्पताल टेकुको निर्देशकमा डा. अनुप बास्तोला

१४ असार, काठमाडौं– सरुवारोग अस्पताल टेकुको निर्देशकमा डा. अनुप बास्तोला नियुक्त भएका छन् ।

यसअघिका निर्देशक डा. सागर राज भण्डारीले भोलिदेखि अवकाश पाउँदैछन् । राजभण्डारीले अवकाश पाउने भएपछि मन्त्रीस्तरिय निर्णयबाट डा. बास्तोला निर्देशकका रुपमा नियुक्त भएका हुन्।

यसअघि डा. बास्तोला सोही अस्पतालका प्रमुख कन्सल्ट्यान्ट थिए ।

डा. बास्तोलाले थाइल्याण्डको महिडोल विश्वविश्वद्यालबाट ट्रपिकल मेडिसिनमा एमडी र चिकित्सा विज्ञान राष्ट्रिय प्रतिष्ठान (न्याम्स)बाट छाला तथा यौन रोगका एमडी गरेका छन् ।

डा. बास्तोला कोरोना महामारीमा अग्रपंक्तिमा रही काम गर्दै आएका छन् । उनले स्वाइन–फ्लु, डेंगु र एड्स रोगविरूद्व पनि काम गर्दै आएका छन् ।