एमाले विवाद समाधान कार्यदल ब्यूँतियो, आजै बैठक बस्दै

२१ असार, काठमाडौं– एमाले विवाद समाधानका लागि गठित कार्यदल पुनः ब्युतिएको छ । कार्यदलको बैठक आज नै बस्ने स्रोतले जनाएको छ ।

कार्यदलको बैठक सोमबार बेलुका ६ बजे तयारी रहेको स्रोतले बतायो।

विवाद समाधानका लागि गठित कार्यदलमा केपी शर्मा ओलीका तर्फबाट सुवास नेम्वाङ संयोजक छन् भने सदस्यहरुमा विष्णुप्रसाद पौडेल, प्रदीप ज्ञवाली, शंकर पोखरेल र विष्णु रिमाल छन् ।

यता वरिष्ठ नेता माधवकुमार नेपालका तर्फबाट भीम रावल संयोजक छन् भने सदस्यहरुमा सुरेन्द्र पाण्डे, घनश्याम भुसाल, गोकर्ण विष्ट र रघुजी पन्त छन् ।

विवाद समाधानका लागि गठित कार्यदलको बैठक जेठ ६ पछि बस्न सकेको थिएन । कार्यदलका संयोजक रावललाई १२ जेठमा अध्यक्ष ओलीले निष्कासन गर्ने निर्णय गरेपछि कार्यदल निष्क्रिय भएको थियो ।

कार्यदलको गठन जेठ २ गते भएको थियो ।

यद्यपि अनौपचारिक छलफल चल्दैगर्दा औपचारिक बैठक बोलाइएको हो ।