नेप्सेले बनायो सर्वाधिक उच्च अंकको कीर्तिमान, बैंकिङ सेक्टरमा लगानीकर्ताको आकर्षण

१० साउन, काठमाडौं– सेयर बजारले पुनः अल टाईम हाईको रेकर्ड ब्रेक गरेको छ ।

साताको पहिलो दिन आइतबार नेप्से परिसूचक ५४.३१ अंकले बढ्दै ३०५८.६४ विन्दुमा पुग्दै नेप्सेको अलटाईम हाईको रेकर्ड ब्रेक गरेको हो । ओरालो लागेको कारोवार रकम पनि आज धेरै दिनपछि कारोबार रकम बढ्दै १४ अर्बमाथि पुगेको छ ।

बजारमा आज कुल १४ अर्ब ३० करोड २३ लाख ६५ हजार १४८ रूपैयाँ बराबरको ४ करोड ४१ लाख १४ हजार ७६० कित्ता सेयर कारोबार भयो ।
बजारमा आज बजारमा बैंकिङ समूह हावी भएको छ । सो समूह ३.४३ प्रतिशतले वृद्ध भएको हो ।

यसैगरी हाइड्रोपावर तर्फ पनि २.३९ प्रतिशतले वृद्धि भएको छ । आज होटल एण्ड टुरिजम् र म्यूचल फण्डबाहेक सबै समूहका उपसूचकहरूमा हरियाली छयो ।

बजारमा आज सर्वाधिक कारोवार हुने कम्पनीमा नेपाल बैंक, ग्लोवल आईएमई, एनसीसी, एनआईसी एसियालगायत रहेका छन् । आज नेपाल बैंकको ४९ करोड सेयर कारोबार भएको छ ।