म्याग्दीमा जीप दुर्घटना दुर्घटना हुँदा एक जनाको मृत्यु

१५ साउन, काठमाडौं– म्याग्दीमा आज बोलेरो जीप दुर्घटना हुँदा एक जनाको मृत्यु भएको छ ।

म्याग्दीको धवलागिरी गाउँपालिका वडा नम्बर ७ ताकमदेखि बेनी आउने क्रममा सोही वडाको बारिका सडकमा ग १ ज ६८०५ नम्बरको बोलेरो जीप दुर्घटना हुँदा ताकमका २७ वर्षीय विकास सुनारको मृत्यु भएको प्रहरीले जनाएको छ ।

मृतक सुनारको शव करिब तीन सय तल भेटिएको थियो भने जीप सडकदेखि करिब २५ मिटर तल सल्लाको रुखमा अडिएको थियो ।

जीपमा चालक सहित ९ जना सवार थिए । चालकको टाउको र छातीमा चोट लागेको छ भने अन्यको अवस्था सामान्य रहेको छ ।