Date
शुक्र, अशोज १, २०७८
Fri, September 17, 2021

नेपाल ओमानविरूद्ध ब्याटिङ गर्दै

२९ भदौ, काठमाडौँ – आइसिसी विश्वकप लिग-२ अन्तर्गत ओमानविरूद्धको खेलमा नेपालले पहिले ब्याटिङ गर्ने भएको छ । अल अमिरत क्रिकेट रंगशालामा हुने खेलमा नेपालले टस जित्दै ब्याटिङ गर्ने निर्णय गरेको हो । लिग-२ मा नेपालले ओमानसँग दुई खेल खेलिसकेको छ। सन् २०२० को फेब्रुअरीमा नेपालमा भएको सिरिजमा ओमानले नेपाललाई ८ विकेट र १८ रनले पराजित गरेको थियो।

हिजोदेखि ओमानमा सुरु भएको नेपाल, अमेरिका र ओमाबीचको त्रिकोणात्मक सिरिजमा नेपालले विजयी सुरूवात गरिसकेको छ। पहिलो खेलमा नेपालले अमेरिकालाई ५ विकेटले पराजित गर्‍यो। नेपालको जितमा ओपनर कुशल भुर्तेल र मध्यक्रमका ब्याट्सम्यान रोहितकुमार पौडेलले अर्धशतक प्रहार गर्नुभयो । सिरिजमा नेपालले ओमान र अमेरिकासँग दुई-दुई खेल खेल्नेछ ।

सिरिजअघि नेपालले पपुवा न्युगिनीसँग दुई खेलको एकदिवसीय सिरिज खेलेको थियो । नेपाल दुवै खेलमा विजयी भएको थियो । विश्वकप लिग–२ मा नेपालसहित पपुवा न्युगिनी, ओमान, अमेरिका, स्कटल्याण्ड, नामिबिया र युनाइटेड अरब इमिरेटस् (युएई)  रहेका छन् । नेपालले हालसम्म अमेरिकासँग तीन खेल र ओमानसँग दुई खेल खेलिसकेको छ। नेपाल छ अंक जोड्दै अंक तालिकाको छैटौं स्थानमा छ ।

खेल तालिका 

नेपाल भर्सेस अमेरिका – भदौ २८ – नेपाल ५ विकेट विजयी

ओमान भर्सेस नेपाल – भदौ २९

ओमान भर्सेस अमेरिका – भदौ ३१

नेपाल भर्सेस अमेरिका – असोज १

ओमान भर्सेस नेपाल – असोज ३

ओमान भर्सेस अमेरिका – असोज ४

सबै खेल सुरू हुने समय – दिउँसो ४: १५ बजे

 

स्थान – अल अमिरत क्रिकेट रंगशाला, ओमान

WRITE COMMENTS FOR THIS ARTICLE