कोरोना संक्रमण नियन्त्रण गर्न स्पेनमा रातको समयमा कर्फ्यू

१० कात्तिक
एजेन्सी – स्पेनले राष्ट्रिय राज्य आपतकालिन घोषणा गरेको छ। संक्रमण बढ्दै गएकोले नियन्त्रणका लागि आपतकालिन राष्ट्रिय राज्य घोषणा गरेको हो । त्यहाँ रातको समयमा कर्फ्यू लगाएको छ ।

बेलुका ११ बजे देखी विहान ६ बजे सम्म कर्फ्यू आदेश जारी भएको प्रधानमन्त्री पेद्रो सान्चेजले बताएका छन् । कर्फ्यू आइतवारदेखि लागू हुने छ । आपतकालीन अवस्थामा स्थानीय अधिकारीहरूले क्षेत्रहरू बीचको यात्रा समेत प्रतिबन्ध पनि गर्न सक्ने छन्, प्रधानमन्त्री सान्चेजले भनेका छन् । उनले संसद्लाई यो नयाँ नियम १५ दिन देखी ६ महिनासम्म विस्तार गर्न आग्रह गरेका छन् ।

महामारीले यस वर्षको सुरूमा स्पेनलाई ठूलो चोट पुर्‍यायो र धेरै प्रतिबन्धित लकडाउन गर्नु परेको थियो जुन विश्वको सबैभन्दा गाह्रो समस्या हो । अहिले अन्य धेरै यूरोपीय क्षेत्रहरु यो संक्रमण को दोस्रो लहर द्वारा प्रभावित भएका छन् ।अहिले इटालीमा, नयाँ प्रतिबन्धहरू लागाइएको छ । यसै बीच फ्रान्सले दैनिक संक्रमणको रेकर्ड संख्या रिपोर्ट गरेको छ । गत २४ घण्टामा मात्र ५२ हजार १० जनामा संक्रमण भेटिएको थियो ।

प्रधानमन्त्री सान्चेजले यदि रातीको कर्फ्यूको अवधिलाई परिमार्जन गर्नै परेमा विभिन्न क्षेत्रहरूका अधिकारीहरुले एक घण्टासम्म लचिलो बनाउन सक्ने बताए । जिल्लाहरु बीचको आवागमनको प्रतिबन्धका विषयमा क्षेत्रीय अधिकारीहरुद्वारा निर्धारित हुनेछ र अतिआवश्यक काम र मेडिकल इमर्जेर्सीलाई भने केहीहद सम्म लचिलो बनाइने सान्चेजले भनेका छन् ।

घोषणा गरिएका नयाँ उपायहरूमा विभिन्न घरपरिवारको सार्वजनिक र निजी भेलामा अधिकतम ६ जना भन्दा बढी भेला हुन पाइने छैन् । हामीले सामना गरिरहेको अवस्था चरम हो, सान्चेजले आइतवारको टेलिभिजन सम्बोधनमा भने, यो विगत आधा शताब्दीको सबैभन्दा गम्भीर अवस्था हो ।

स्पेनका १७ क्षेत्रमध्ये आधाभन्दा बढीले कडा प्रतिबन्धको लागि आह्वान गरेका थिए र पछिल्लो नियम क्यानरी टापुहरू बाहेक सबै क्षेत्रमा लागू हुनेछ । स्पेनमा महामारी शुरू भएदेखि १० लाख भन्दा बढी संक्रमित भएका छन् भने करिब ३५ हजारले ज्यान गुमाएका छन् ।