चार सातापछि कोरोनाको संक्रमण ओरालो लाग्छः स्वास्थ्यमन्त्री

१० जेठ, काठमाडौं– स्वास्थ्य तथा जनसंख्यामन्त्री ह्ृदयेश त्रिपाठीले अबको चार सातापछि कोरोना संकमण दर घट्ने बताएका छन् ।

सोमबार पत्रकार सम्मेलन गर्दै मन्त्री त्रिपाठीले मानिसहरुको आवतजावतमा प्रभाकारी नियन्त्रण नभएकाले संक्रमण दर अपेक्षा गरेअनुरुप घट्न नसकोको बताए । उनले भने, ‘अबको चार सातामा संक्रमणदर क्रमश घट्दै जाने देखिन्छ ।’

पछिल्ला केही दिनको तथ्यांक हेर्दा नेपालमा दैनिक ७ देखि ८ हजार जनामा संक्रमण देखिँदै आएको छ भने २०० हाराहारीको मृत्यु हुने गरेको छ ।
अहिले नेपालमा भारतीय भेरियन्टको रुपमा चिनिने कोरोना संक्रमण फैलिएको छ ।